काठमाडौं, असार २३ । महानगरीय प्रहरी प्रभाग नागढुङ्गाले एक केजि चरेशसहित एक जनालाई पक्राउ गरेको छ ।
धादिङको सिमलेबाट काठमाडौं आउदै गरेको बा २ ख ६२६८ नम्बरको यात्रुवाहक वसलाई चेक जाँचको क्रममा एक केजी चरेशसहित एक जनालाई नागढुङ्गा प्रहरीले पक्राउ गरेको हो ।
पक्राउ पर्नेमा जिल्ला धादिङ गजुरी गाँउपालिका ८ को वर्ष १८ को आयुष तामाङलाई एक किलो अवैध चरेशसहित पक्राउ गरिएको महानगरीय प्रहरी परिसर काठमाडौंका प्रवत्ता प्रहरी नायव उपरीक्षक मोहन थापाले बताए ।
प्रहरी नायव उपरीक्षक थापाका अनुसार पक्राउ परेका तामाङलाई थप अनुसन्धानको लागि महानगरीय प्रहरी वृत्त थानकोटमा राखिएको छ ।