२२ कात्तिकमा सडक विभागले गुर्जुधारा–नागढुंगा–सिस्नेखोला सुरुङमार्ग जोड्ने सडकका लागि आवश्यक जग्गा अधिग्रहणको सूचना प्रकाशित गर्‍याे । तर, स्थानीय बासिन्दा मुआब्जा प्रक्रियामा आउनको साटो विरोधमा उत्रिने तयारीमा छन् ।

त्यसक्रममा पीडित हुन पुगेकाहरुले उक्त सडकबाट कुनै फाइदा नहुने बताउँदै विरोध गरिरहेका छन् । आफूहरुसँग छलफल नगरी सडक निर्माण प्रक्रिया थालिएको उनीहरुको आरोप छ ।

सुरुङमार्ग सरोकार समितिका संयोजक रवि श्रेष्ठले कुनै हालतमा निर्माण गर्न नदिनइने बताए । ‘सडक बन्दा हामीलाई के फाइदा पुग्छ भन्ने छलफल नै नगरी सीधै मुआब्जा लिन आऊ भन्न पाइन्छ ?’ श्रेष्ठले प्रश्न गरे ।

भूमाफियालाई फाइदा पुग्ने हिसाबबाट उक्त सडक निर्माण गर्न लागिएको गुर्जुधारादेखि टुटीपाखासम्मका बासिन्दाको आरोप छ । सुरुङको डिजाइन नै बाङ्गो बनाइनुको उद्देश्य भूमाफियालाई फाइदा पुर्‍याइनु रहेको उनीहरुको भनाइ छ ।

‘यो सुरुङ सीधा बनाउने हो भने सीतापाइला आउँछ । प्रचार पनि सीतापाइला जोड्ने भनेर गरियो,’ श्रेष्ठले भने, ‘भूमाफियाका कारण गुर्जुधारा जोड्न लागिएको छ । हामी कुनै पनि हालतमा बन्न दिदैनौं ।’

प्रारम्भिक वातावरणीय मूल्यांकन (आईईई) का चरणमा छलफल नै नगरेको दाबी स्थानीय बासिन्दाको छ ।

उक्त आरोप निराधार रहेको सडक विभागका वैदेशिक महाशाखा प्रमुख सञ्जयकुमार श्रेष्ठले बताए । उनले भने, ‘स्थानीयवासीसँग छलफल गरेरै प्रक्रिया अगाडि बढाइएको हो ।’

छलफल कार्यक्रमपछि मात्र आईईईको रिपोर्ट टुंगो लगाइएको उनको भनाइ छ । भौगर्भिक बनावटका कारण सुरुङको डिजाइन बाङ्गो बनाउनु परेको उनले बताए ।

‘कसैलाई फाइदा पुर्‍याउन र कसैलाई हानी गर्न सडक बनाउन लागिएको होइन,’ श्रेष्ठले भने, ‘कसैले विरोध गर्दैमा राज्य टुलुटुलु हेरेर बस्दैन, सडक निर्माणका क्रममा कसै न कसैको जग्गा पर्छ, त्यस्तो पीडितले मुआब्जा बुझ्नै पर्छ ।’

सरकारी निर्णय चित्त नबुझे कानूनी उपचार खोज्न उनले सुझाव दिए ।

उक्त सुरुङमार्गका लागि जापान सरकारले १७ अर्ब रुपैयाँ ऋण दिन लागेको छ । उक्त ऋणको व्याजदर निकै सस्तो ०.०१ प्रतिशत मात्र छ ।

ऋण तिर्ने अवधि ३० वर्ष तोकिएको छ । त्यसमा १० वर्ष थपिने सम्झौता छ । सुरुङमार्गको लागत २२ अर्ब रुपैयाँ अनुमानित छ । जापानी ऋणबाहेकको रकम सरकारले नै जुटाउनेछ ।

Chandragirinews rocky नौबिसे–नागढुंगा सुरुङमार्गका पीडित भन्छन्– सडक बनाउन दिँदैनौं ब्रेकिंग न्युज मुख्य राष्ट्रिय    chandragiri, chandragiri news, chandragiri hills, chandragiri cabel car, thankot, satungal, naikap, balambu, matatirthaChandragirinews careerad नौबिसे–नागढुंगा सुरुङमार्गका पीडित भन्छन्– सडक बनाउन दिँदैनौं ब्रेकिंग न्युज मुख्य राष्ट्रिय    chandragiri, chandragiri news, chandragiri hills, chandragiri cabel car, thankot, satungal, naikap, balambu, matatirthaChandragirinews jebsad नौबिसे–नागढुंगा सुरुङमार्गका पीडित भन्छन्– सडक बनाउन दिँदैनौं ब्रेकिंग न्युज मुख्य राष्ट्रिय    chandragiri, chandragiri news, chandragiri hills, chandragiri cabel car, thankot, satungal, naikap, balambu, matatirtha

अनलाइन खबर

Comments

comments