चन्द्रागिरि नगरपालिकामा कोरोना भाइरसकाे सङ्क्रमणबाट निकाे भएर डिस्चार्ज हुनेको सङ्ख्या ८८ पुग्यो

२७ भदौ, काठमाडौं ।चन्द्रागिरि नगरपालिकामा काेराेना भाइरसकाे सङ्क्रमणबाट निको भएर डिस्चार्ज हुनेको सङ्ख्या ८८ पुगेको छ ।

पछिल्लो २४ घण्टामा चन्द्रागिरि नगरपालिकामा ४ जना कोरोना संक्रमित भेटिएका छन् । चन्द्रागिरि नगरपालिकाका सूचना अनुसार च.न.पा वडा ८ मा ४ जना मा संक्रमण पुष्टि भएको हो ।

चन्द्रागिरि नगरपालिकामा कोरोनाबाट संक्रमित हुनेहरुको संख्या २३१ पुगेको छ। जनस्वास्थ्य प्रबर्द्धन उपशाखाका डा. सुदा महर्जन अनुसार पछिल्लो तथ्यांकअनुसार चन्द्रागिरिमा संक्रमितको संख्या २३१ पुगेको हो।

संक्रमण पुष्टि भएकामध्ये ८८ जना निको भएका छन् भने ५५ जना अस्पतालमा र घरमा ८६ जना उपचार भइरहेको छन् ।

साथै संक्रमण पुष्टि भएकामध्ये  १५० जना पुरुष, ८१ जना महिला र ६ जना बालबालिका रहेको छन्।

साथै चन्द्रागिरि नगरपालिकामा मृत्युको संख्या २ रहेको छ।