७ मंसिर, काठमाडौं । इन्धनको मूल्य समायोजन नहुँदा आयल निगमको मासिक घाटा ५५ करोड रुपैयाँ पुगेको छ । भारतीय आयल निगम (आईओसी) बाट बढेर आएको मूल्यअनुसार समायोजन नहुँदा निगमको घाटा चुलिएको हो ।

निगमका नायब कार्यकारी निर्देशक नागेन्द्र शाहका अनुसार आईओसीबाट आएको पछिल्लो मूल्यसूची अनुसार निगमलाई इन्धन कारोबारमा पाक्षिक २७ करोड ५० लाख रुपैयाँ घाटा लाग्छ ।

हाल डिजेलमा प्रतिलिटर तीन रुपैयाँ ९८ पैसा घाटा छ । यस्तै, प्रतिलिटर पेट्रोलमा १४ पैसा, मट्टतिेलमा १५ रुपैयाँ, हवाई इन्धन (आन्तरिक) मा १२ रुपैयाँ र हवाई इन्धन (बाह्य) मा १८ रुपैयाँ ३१ पैसा घाटा छ ।

निगमलाई ग्यासमा निकै ठूलो घाटा देखिएको छ । अहिले प्रतिसिलिन्डर दुई सय ३७ रुपैयाँ ६७ पैसा घाटा रहेको निगमले जनाएको छ ।

१५ नोभेम्बरसम्म पाक्षिक घाटा १० करोड ७५ लाख रहेकामा आईओसीबाट मूल्यसूची बढेर आएपछि नोक्सानी चुलिएको हो ।

गत १६ नोभेम्बरमा प्रतिलिटर पेट्रोल तीन र डिजेल दुई रुपैयाँ बढेर आएको थियो ।

घाटा चुलिएकै कारण निगमले १५ कात्तिकमा इन्धनको मूल्यवृद्धि गरेको थियो । तर, चुनावको समयमा मूल्य बढाउन उचित नहुने बताउँदै सरकारले हस्तक्षेप गरेपछि निर्णय स्थगित गरिएको थियो । तीन महिनायता मूल्य समायोजन भएको छैन ।

भारतमा भन्दा २७ रुपैयाँ सस्तो

निगमका अनुसार पछिल्लो समय नेपाल र भारतबीच इन्धनको मूल्य अन्तर बढेर गएको छ । नेपालमा डिजेलको मूल्य भारतभन्दा प्रतिलिटर २६ रुपैयाँ ८४ पैसा सस्तो छ ।

यस्तै, पेट्रोल भारतभन्दा प्रतिलिटर २२ र हवाई इन्धन (आन्तरिक) ११ रुपैयाँ ६५ पैसा सस्तो छ । हवाई इन्धन (बाह्य) भने भारतभन्दा १२ रुपैयाँ ३८ पैसा महँगो छ ।

Chandragirinews rocky आयल निगमको मासिक घाटा ५५ करोड राष्ट्रिय    chandragiri, chandragiri news, chandragiri hills, chandragiri cabel car, thankot, satungal, naikap, balambu, matatirtha
Chandragirinews careerad आयल निगमको मासिक घाटा ५५ करोड राष्ट्रिय    chandragiri, chandragiri news, chandragiri hills, chandragiri cabel car, thankot, satungal, naikap, balambu, matatirtha
Chandragirinews jebsad आयल निगमको मासिक घाटा ५५ करोड राष्ट्रिय    chandragiri, chandragiri news, chandragiri hills, chandragiri cabel car, thankot, satungal, naikap, balambu, matatirtha

Comments

comments