भूकम्पपीडितले अनिवार्य रूपमा पुनर्निर्माण सुरु गर्नैपर्ने मौका छोपी उद्योगीहरूले सिमेन्ट र डन्डीको भाउ बढाएका छन् । पुनर्निर्माण प्राधिकरणले पुस मसान्तभित्र व्यक्तिगत आवास निर्माण गर्ने भूकम्पपीडितले पहिलो किस्ताको अनुदान लिइसक्नुपर्ने गरी अवधि तोकेको छ ।

आवास निर्माणको अनुदान सम्झौता भएका ६ लाख ७७ हजार लाभग्राहीले पुस मसान्तभित्र पहिलो किस्ता नलिए अनुदान नपाउने व्यवस्था प्राधिकरणले गरेको छ । भूकम्पपीडितले कुनै पनि हालतमा निर्माण सुरु गर्नैपर्ने बाध्यताबाट लाभ उठाउने गरी सिमेन्ट र डन्डी उद्योगीले भाउ बढाएका हुन् ।

ग्रफिक्स ः नयाँ पत्रिका
अहिले २ लाख १५ हजार ५७० निजी आवास, १२५ सरकारी भवन, १ हजार ४ शैक्षिक संस्था, १११ सांस्कृतिक सम्पदा, ११९ स्वास्थ्य संस्था, १४० सुरक्षा निकाय भवन र ९६५ खानेपानी पूर्वाधार निर्माण भइरहेका छन् ।

घर निर्माणमा आवश्यक स्टिल (डन्डी) प्रतिकिलोग्राम ९ प्रतिशतले वृद्धि भएको छ भने ओपिसी सिमेन्टमा प्रतिबोरा साढे १२ प्रतिशत वृद्धि भएको छ । २१ मंसिरअघि प्रतिकेजी ७८ रुपैयाँ रहेको डन्डीको मूल्य ८५ रुपैयाँ पु¥याइएको छ । त्यस्तै, एक बोरा सिमेन्टको मूल्य ८ सय १० रुपैयाँ पर्नेमा ९ सय १० रुपैयाँ पु¥याइको छ ।

अझ दुर्गम पहाडी क्षेत्रमा त ढुवानी भाडासमेतका कारण भूकम्पपीडितले सिमेन्ट र छड किन्नै नसक्ने स्थिति छ । मूल्य वृद्धिले अनुदान लिएर आवास निर्माण गरिरहेका भूकम्पपीडितले घर निर्माण गर्न नसक्ने अवस्था सिर्जना भएको छ भने अन्य विकास आयोजना निर्माणमा पनि समस्या सिर्जना भएको नेपाल निर्माण व्यवसायी महासंघले जनाएको छ ।

विकास आयोजना पनि मारमा
सिमेण्ट र डण्डीको मूल्य वृद्धिले विकास आयोजना पनि मारमा परेका छन् । चालु आर्थिक वर्ष २०७४/७५ को पहिलो ५ महिना (मंसिरसम्म) चुनावले गर्दा ठप्प भएका आयोजनाको काम शुरु हुने क्रममै मूल्य वृद्धि भएपनि काम गर्न मुस्किल भएको निर्माण व्यवसायीहरुको भनाइ छ । ‘सिमेण्ट, डण्डी, गिट्टी, बालुवालगायतमा अप्राकृतिक र अप्रत्यासित मूल्य वृद्धि भएको छ’ नेपाल निर्माण व्यवसायी महासंघका अध्यक्ष विष्णुभाइ श्रेष्ठले भने ।

महासंघका अनुसार फलामे निर्माण सामाग्रीमा ५ देखि १० प्रतिशत वृद्धि भएको छ । त्यस्तै, गिट्टी र वालुवामा प्रति घनमिटर १० रुपैयाँले मूल्य वृद्धि भएको छ । पेट्रोलियम पदार्थ वा अन्य कारण नै मूल्य वृद्धि भएको भए पनि २ देखि ५ रुपैयाँ उचित मानिन सकिन्थ्यो, १ सय रुपैयाँसम्म बढ्नु कुनै पनि आधारमा तर्कसंगत छैन’ निर्माण व्यवसायी होमनाथ कोइरालाले भने । मेलम्ची खानेपानीको पाइप विछ्याउने र सडक पुल निर्माणमा संलग्न कोइरालाले मूल्य वृद्धि यस्तै रहे आयोजना पूरा गर्न कठिन हुने बताए ।

निर्माण सामाग्रीको माग दोब्बरले वृद्धि
पुनर्निर्माणले गर्दा अन्य समयको भन्दा निर्माण सामाग्रीको माग दोब्बरले वृद्धि भएको व्यवसायीहरुको भनाइ छ । तर, आवश्यकताको तुलनामा उद्योगहरुले उत्पादन वृद्धि गर्न सकेका छैनन् । यसले पनि मूल्यमा वृद्धि भइरहेको सिमेण्ट उत्पादक संघका अध्यक्ष धु्रव थापाले बताए । खुल्ला बजारमा मागको वृद्धि अनुसार मुल्य वृद्धि हुनुलाई अन्यथा लिन नहुने उनको भनाइ छ ,आजको नयाँ पत्रिका दैनिकमा समाचार छ ।

Chandragirinews rocky पुनर्निर्माणको मौका छोपी निर्माण सामग्रीको अप्रत्याशित मूल्यवृद्धि ब्रेकिंग न्युज राष्ट्रिय    chandragiriChandragirinews careerad पुनर्निर्माणको मौका छोपी निर्माण सामग्रीको अप्रत्याशित मूल्यवृद्धि ब्रेकिंग न्युज राष्ट्रिय    chandragiriChandragirinews jebsad पुनर्निर्माणको मौका छोपी निर्माण सामग्रीको अप्रत्याशित मूल्यवृद्धि ब्रेकिंग न्युज राष्ट्रिय    chandragiri

Comments

comments