सामाजिक अभियन्ता एवं समाजको नेतृत्व लिन सफल आफैँमा संघर्षका परिचायक प्रतिभाशाली धरोहर यस चन्द्रागिरि नगरपालिकाका मेयर घनश्याम गिरीको जीवनी आफैँमा प्रेरणाको श्रोत हो भन्दा फरक नपर्ला । यस पश्चिम भेगको विकासमा निरन्तर सेवारत अनि यस चन्द्रागिरिलाई आफ्नो परिवार ठान्ने गिरी परिवर्तनको लागि सपना देख्नुपर्छ र योजना बुन्नुपर्छ भन्नुहुन्छ । उहाँको सरलपन, बोलीमा मिठास अनि काममा लगनशीलता पक्कै पनि जो कोहीको लागि पनि प्रेरणा बन्न सक्दछ । यस चन्द्रागिरि नगरमा शिक्षा, स्वास्थ्य, सडक, पानी, रोजगारी सृजना जस्ता समाज विकासका सुचकमा उहाँको योगदान अतुलनीय रहेको बताउनुहुन्छ यहाँका नागरिकहरु । यिनै अग्रज समाजसेवी व्यक्तित्व जसको जीवन सफलताको उचाई तर्फ अग्रसर भैरहँदा संघर्ष भने कम थिएन । यस्तै जीवनका उकाली र ओरालीलाई चियाको चुस्किका साथमा उहाँकै मुखबाट साट्ने जमर्को सहित काठमाडौँको चर्चित सामाजिक संस्था लिओ क्लब अफ काठमाडौँ लालीगुराँस द्वारा आयोजना हुन लागेको “चियासंग भावनाहरु“ कार्यक्रम भाग- १ मा उहाँले “key note speaker“ को रुपमा आफ्ना अनुभवहरु सुनाउनुहुनेछ । उहाँको रोचक अनि उत्प्रेरक अनुभवबाट केहि सिक्न भाद्र ३ गते शनिबार नैकाप खड्गागाउँस्थित बार्दली रेस्टुरेन्टमा बिहान ७ बजे देखि ९ बजे जो कोहि पनि उपस्थित हुन सक्ने आयोजक संस्थाका कार्यक्रम संयोजक लिओ अर्पना के.सी ले बताएकी छन् । साथै यस कार्यक्रममा आफ्ना जिज्ञासुहरूले प्रश्नहरु पनि राख्न पाउनेछन् ।
