काठमाडौं । सरकारले बजेट प्रस्तुत गरेपछि अधिकांश दैनिक उपभोग्य वस्तुको भाउ बढेको छ। बजेटमा करको दरमा गरिएको हेरफेर र उद्योगीले पाउँदै आएको भ्याट फिर्ता खारेजीले बजार भाउ बढेको खुद्रा बिक्रेताको भनाइ छ।
मूल्य वृद्धिबारे सरकारी निकाय भने बेखबर रहेको नयाँ पत्रिकामा खबर छ । उल्टै मूल्यवृद्धि नभएकाे भन्दै मौज्दात सामग्रीमा कत्ति पनि मूल्यवृद्धि नगरेको मूल्यसूची नै व्यावारीहरूले बुझाएकाे आपूर्ति मन्त्रालयअन्तर्गतको वाणिज्य, आपूर्ति तथा उपभोक्ता हित संरक्षण विभागकाे दाबी छ ।
