प्रथम न्यू जेनिथ जुनियर तेक्वान्दो च्याम्पियनसिपमा जेसिस इन्टरनेसनल स्कुल च्याम्पियन भएको छ । शुक्रबार न्यू जेनिथ इंग्लिस मोडल उमाविको आयोजनामा भएको एकदिने च्याम्पियनसिपमा जेसिसले ७ स्वर्ण र ४ कास्य पदक हात पार्दै टिम च्याम्पियन भएको उपाधि उचाल्यो ।

दोस्रो भएको विस्डम स्कुलले ३ स्वर्ण, ३ रजत र १ कास्य जितेको थियो । आयोजक न्यू जेनिथ स्कुलले भने तेस्रो स्थानमा चित्त बुझायो । न्यू जेनिथले २ स्वर्ण र ५ कास्य जित्न सफल भयो ।

डल्लुस्थित न्यू जेनिथ इंग्लिस मोडल उमाविमा भएको च्याम्पियनसिपमा महिलातर्पm जेसिसकी निलिमा श्रेष्ठ र न्यू जेनिथका रयान बलामी उत्कृष्ट खेलाडी घोषित भएको आयोजक न्यू जेनिथका डोजाङ प्रमुख सरोज बास्कोटाले जानकारी दिए । रयान र निलिमा दुवैले २३ केजीमुनि तौलसमूहमा स्वर्ण पदक जितेका थिए । च्याम्पियन जेसिका लागि २६ केजीमुनि तिलक श्रेष्ठ, ३५ केजीमुनि उज्ज्वल कटवाल, ४० केजीमुनि सिजल श्रेष्ठ, ४५ केजीमुनि प्रतिक श्रेष्ठ, ५० केजीमुनि योवदिन दाहाल र ५८ केजीमुनि नवीन श्रेष्ठले स्वर्ण दिलाएका थिए । दोस्रो भएको विस्डम स्कुलका लागि कृतिका महर्जन र मनिल श्रेष्ठले स्वर्ण पदक दिलाए । आयोजक न्यू जेनिथका लागि २३ केजीमुनि रयान र ५४ केजीमुनि आदर्श श्रेष्ठले स्वर्ण पदक जिते ।

प्रतियोगितामा च्याम्पियन, दोस्रो र तेस्रो हुने टिमले ट्रफी र मेडल प्राप्त गरे । विजेता टिमलाई नेपाल तेक्वान्दो संघका उपाध्यक्ष हरिश्वर पोख्रेल, विद्यालयका प्रिन्सिपल राजु महर्जन, तेक्वान्दो संघका केन्द्रीय सदस्यद्वय नोर्बु लामा र बद्रीप्रसाद घिमिरेलगायतले पुरस्कृत गरे । त्यसअघि प्रतियोगिताको उद्घाटन तेक्वान्दो संघका उपाध्यक्ष भोजबहादुर शाहले गरेका थिए ।

च्याम्पियनसिपमा गल्सतर्पm ४ तौलसमूह र ब्वाइजमा १० तौलसमूहमा गरी विभिन्न विद्यालयका सय खेलाडीले १४ स्वर्ण पदकका लागि प्रतिस्पर्धा गरेको डोजाङ प्रमुख सरोज बास्कोटाले जानकारी दिए ।

Chandragirinews jessis-international-boarding-school1 चम्कँदै जेसिस इन्टरनेसनल स्कुलका विद्यार्थीहरू खेलकुद शिक्षा सतुंगल    chandragiri, chandragiri news, chandragiri hills, chandragiri cabel car, thankot, satungal, naikap, balambu, matatirtha
Chandragirinews rocky चम्कँदै जेसिस इन्टरनेसनल स्कुलका विद्यार्थीहरू खेलकुद शिक्षा सतुंगल    chandragiri, chandragiri news, chandragiri hills, chandragiri cabel car, thankot, satungal, naikap, balambu, matatirtha
Chandragirinews careerad चम्कँदै जेसिस इन्टरनेसनल स्कुलका विद्यार्थीहरू खेलकुद शिक्षा सतुंगल    chandragiri, chandragiri news, chandragiri hills, chandragiri cabel car, thankot, satungal, naikap, balambu, matatirtha
Chandragirinews jebsad चम्कँदै जेसिस इन्टरनेसनल स्कुलका विद्यार्थीहरू खेलकुद शिक्षा सतुंगल    chandragiri, chandragiri news, chandragiri hills, chandragiri cabel car, thankot, satungal, naikap, balambu, matatirtha

Comments

comments