Chandragirinews edmark नागढुङ्गा नाकाबाट लागुअाैषध सहित तीनजना पक्राउ बाद भन्ज्यांग मुख्य    chandragiri

चन्द्रागिरि ।

उपत्यका भित्रिने प्रमुख नाका थानकोट नागढुङ्गाबाट लागुऔषधसहित तीन जनालाई शुक्रबार प्रहरीले पक्राउ गरेको छ ।

पक्राउ पर्नेमा पर्सा जगरनाथपुर– ३ विजवनीयाका रामेश्वर साह, पर्सा सुवर्णपुर– ४ का रोज राना र सर्लाही हरिओन – ९ का प्रदीप यादव रहेका छन् ।
महानगरीय प्रहरी प्रभाग नागढुङ्गाबाट खटिएको टोलीले लागुऔषध सहित काठमाडौँ आउँदै गरेको अवस्थामा छुटाछुट्टै बसबाट उनीहरुलाई पक्राउ गरेको हो । प्रहरीले साह र रानालाई वीरगन्जदेखि बनेपा आउँदै गरेको ना ४ ख १९५१ नम्बरको बसबाट साह र रानालाई तथा ना ४ ख ७१९० नम्बरको बसबाट यादवलाई पक्राउ गरेको हो ।

साहको साथबाट ११४ एम्पुल फेनार्गन, ४६ एम्पुल डाइजेल्याब, रानाबाट एक हजार ४९८ थान नाइट्राजेपाम ट्याब्लेट र यादवबाट १९२ थान ट्रमाजोल ट्याब्लेट पक्राउ गरेको प्रभागका प्रमुख एवम् प्रहरी निरीक्षक ऋषिराम घर्तीमगरले राससलाई जानकारी दिए । प्रभागले घटनाका सम्बन्धमा थप अनुसन्धान भइरहेको जनाएको छ ।

Chandragirinews ad1 नागढुङ्गा नाकाबाट लागुअाैषध सहित तीनजना पक्राउ बाद भन्ज्यांग मुख्य    chandragiri
Chandragirinews chandragiri नागढुङ्गा नाकाबाट लागुअाैषध सहित तीनजना पक्राउ बाद भन्ज्यांग मुख्य    chandragiri

Comments

comments