थप दुई हजार ४२८ जनामा कोभिड पुष्टि, थप ५ को मृत्यु

नेपालमा कोरोनाभाइरस (कोभिड- १९) का २ हजार ४ सय २८ संक्रमित थपिएका छन् ।



१९ हजार ४ सय ४८ जनामा गरिएको आरटी/पीसीआर र एन्टिजेन परीक्षणमा २४२८ जनामा संक्रमण भेटिएको हो ।

पछिल्लो २४ घण्टामा कुल ५ जनाको मृत्यु भएको छ । यससँगै मृतकको संख्या ३ हजार १ सय १७ पुगेको मन्त्रालयले जनाएको छ ।

मन्त्रालयका अनुसार आजको दिनमा सक्रिय संक्रमितको संख्या १२ हजार ६ सय ९० पुगेको छ ।

पछिल्लो तथ्यांकअनुसार थप २ सय ५२ जना संक्रमणमुक्त भएका छन् ।