काठमाडौँ — नेपाल आयल निगमले पेट्रोल, डिजेल र मट्टितेलको मूल्य घटाएको छ । निगमले ती सबैमा प्रतिलिटर १० रुपैयाँ मूल्य घटाएको हो । बिहीबार बसेको निगम सञ्चालक समितिको बैठकले यस्तो निर्णय गरेको हो। पेट्रोलियम पदार्थमा लाग्ने पूर्वाधार कर सरकारले घटाएपछि निगमले मूल्य समायोजन गरेको हो।
घटेको मूल्य बिहीबार राति १२ बजेदेखि लागू हुने छ । अब पेट्रोलकाे मूल्य प्रतिलिटर १७० रुपैयाँ पर्नेछ । डिजेल र मट्टितेलकाे मूल्य प्रतिलिटर १५३ रुपैयाँमा झरेको छ ।
