काठमाडौं — काठमाडौं जिल्ला प्याब्सनले एसईई २०८१ मा उत्कृष्ट नतिजा हासिल गर्न सफल विद्यालय, विद्यार्थी र शिक्षकहरूलाई २०८२ मा एक भव्य सम्मान समारोहमार्फत सम्मान गरेको छ।
समारोहमा १८४ विद्यालय, २१५ विद्यार्थी र ४३ शिक्षकहरूलाई नेपाल पुलिस क्लबको हलमा सम्मानित गरिएको हो।
ब्राइट फ्युचर माध्यमिक विद्यालय, चन्द्रागिरि–१४, नैकाप, उक्त कार्यक्रममा गौरवका साथ चम्किएको विद्यालय बन्यो।
विद्यालयले १००% ग्रेडेड नतिजा प्राप्त गर्दै उत्कृष्टता प्रमाणित गर्यो भने जीपीए ४ प्राप्त गर्ने चार विद्यार्थी —
प्रत्युषा कार्की, सम्राट पौडेल, सुलभ जोशी र स्वप्नजिता पाण्डे — लाई शिक्षामन्त्री रघुजी पन्तको प्रमुख आतिथ्यतामा मञ्चमै सम्मान गरियो।
यसबाहेक, विद्यालयका अतिरिक्त गणित विषयका शिक्षकहरू रवि पाण्डे र लालबहादुर थापालाई पनि विशेष सम्मान गरिएको थियो।
उनीहरूको शिक्षणमार्फत विद्यालयले काठमाडौं जिल्लाका ६५० भन्दा बढी विद्यालयहरूमध्ये सबैभन्दा उच्च औसत GPA हासिल गरेकोमा सम्मानपत्र प्रदान गरिएको हो।
काठमाडौं जिल्लाभर सम्मानित १० शिक्षकहरूमध्ये ब्राइट फ्युचरका यी दुई शिक्षक समेटिनु विद्यालयको शैक्षिक प्रतिबद्धताको प्रमाण हो।
विद्यालयका अध्यक्ष मोहनबहादुर कार्कीका अनुसार, यस्तो उपलब्धिले विद्यालय परिवारलाई अझ प्रेरणा र गौरव प्रदान गरेको छ।
