भिजिट माल्दिभ्सद्वारा आयोजित एक मिनेटको छोटो भिडियो डकुमेन्ट्री प्रतिष्पर्धामा ‘स्कुवा डाइभिङ’ गरेर नेपाली युवा सरोज सापकोटा हजारौं प्रतिष्पर्धीलाई पछि पार्दै टप टेनमा पर्न सफल भएका छन् । लाङटाङका अधिकांश हिमाल र सर्बोच्च शिखर सगरमाथा आरोहण गरिसकेका सापकोटाले धेरै पटक स्काइ डाइभिङ गरिसकेका छन् । यो भिडियो बनाउन उनले ठूलो जोखिम मोलेका थिए ।स्कुबा डाइभिङ आफैमा खतरनाक खेल हो । सापकोटाले समुन्द्रको १ सय २० फिट् तल पुगेर मुखबाट रेगुलेटर निकालेर स्वास रोकेर बसेका थिए । यस्तो गर्दा आयोजकहरुले किन यस्तो स्टन्ट गरेको भनेर चेतावनी पनि दिएका थिए । उनले बनाएको यो भिडियो ‘भिजिट माल्दिभ्स’ फेसबुक पेजमा राखिएको छ । जहाँ गएर लाइक गर्न सकिनेछ । कार्तिक १९ सम्म उनलाई भोट हाल्न सकिनेछ । सबैभन्दा बढी लाइक प्राप्त गर्नेलाई विजेता घोषणा गरिने भिजिट माल्दिभ्सले जनाए
