मेलम्ची बाढी पीडितको नाममा चन्दा वा सहयोग मागे २ वर्ष कैद र १ लाख जरिवाना हुने

जिल्ला प्रशासन कार्यालयले शुक्रबार एक विज्ञप्ति जारी गर्दै जिल्ला प्रशासन कार्यालय सिन्धुपाल्चोकले राहत वा चन्दा सहयोग संकलन गरेमा, बजार मूल्य बढाएमा, कृत्रिम अभाव सिर्जना गरेमा, गुणस्तरहीन बस्तुको कारोबार गरेमा दुई वर्ष कैद तथा एक लाख रुपैयाँ जरिवाना गराउने चेतावनी दिएको छ।



“सिन्धुपाल्चोक जिल्ला हेलम्बु गाउँपालिका वडा नं १ नाकुत्तेभन्दा करिब ५०० मिटर माथिबाट झरेको
पहिरोले मेलम्ची नदीको बहाव थुनिएर बनेको बाँध भत्काए पश्चात आएको बाढीको कारणले हेलम्बु गाउँपालिका र मेलम्ची नगरपालिकामा अपूरणीय क्षती भैसकेको सर्वसाधारणलाई जानकारी भएकै छ । सो बाढीबाट प्रभावित भई विस्थापित भएका महानुभावहरुको सहयोगार्थ विभिन्न संघ संस्था, निकाय, सहयोगी हातहरु, दाताहरुले खाचच तथा गैरखाच्च पदार्थहरु उपलब्ध गराई प्रभावितलाई सहयोग पुर्याउनु भएकोमा सबैप्रति आभार व्यक्त गर्दछौं ।
यस्तो सहयोगको अपेक्षा भविष्यमा पनि भईनै रहने छ ।

विपद्‌ जोखिम न्यूनीकरण तथा व्यवस्थापन ऐन, २०७४ को दफा २४(१) (ख) बमोजिम ” अनुमति लिई वा नलिई विपद्का नाममा चन्दा राहत वा सहयोग संकलन गरेमा र ऐ ऐनको दफा १(ख) मा विपद्को समयमा अप्राकृतिक रुपमा वजारमुल्य वृद्धि गरेमा वा कृत्रिम अभाव सिर्जना गरेमा वा गुणस्तरहीन वस्तु तथा सेवाको कारोबार गरेमा ” त्यस्तो कार्य गर्नेलाई कसूरको मात्रा हेरी एक लाख रुपैयासम्म जरिबाना वा दुई वर्षसम्म कैद वा दुवै सजाय हुने व्यवस्था भएकोले यस्ता गलत क्रियाकलाप नगर्न नगराउन, भए गरेको जानकारी बा सूचना प्राप्त भएमा जिल्ला प्रहरी कार्यालय वा नजिकैको प्रहरी चौकी वा (मोवाईल नं ९८४१३९२८८३) मा जानकारी गराईदिन सर्वसाधारण सबैसँग अनुरोध छ ।

मनसुन सक्रिय रहेकाले भारी वर्षाका कारण नदीहरुमा पानीको बहाब बढेर बाढी आउने, भू-क्षय, पहिरो जाने, नदी तटीय क्षेत्रमा डुबान हुने तथा सडक यातायात प्रभावित हुन सक्ने संभावना रहेकाले सतर्क र सुरक्षित रहन साथै त्यस्तो समस्या पर्ने देखिएमा/परेमा नजिकैको सुरक्षा, निकायमा खबर गरिदिनुहुन सिन्धुपाल्चोक बासीहरुमा अनुरोध गर्दछौं ।”सहायक प्रमुख जिल्ला अधिकारी बाबुराम खनालले जारी विज्ञप्तिमा भनिएको छ।FB IMG 1624080483934