चन्द्रागिरि ।
इन्द्रसरोवर तालमा बेपत्ता भएका एक पुरुषको शव भेटिएको छ। सशस्त्र प्रहरीको गोताखोरले इन्द्रसरोवर तालमा बेपत्ता भएका पुरुषको शव निकालेको हो।
इन्द्रसरोवर तालमा र्याफ्टिङ्ग गर्ने क्रममा बेपत्ता भएका काठमाडौं दक्षिणकाली नगरपालिका ३ बस्ने ३५ वर्षीय राजकुमार सुवेदीको शव निकालिएको प्रहरीले जानकारी दिएको छ। सशस्त्र प्रहरी बल नेपाल नम्बर २० विपद् उद्धार गण काठमाडौंबाट गएको गोताखोर टोलीले शव निकालेको हो।
मकवानपुरस्थित इन्द्रसरोवर गाउँपालिका १ कुलेखानी जलविद्युत आयोजनाको इन्द्रसरोवर तालमा र्याफ्टिङ्ग गर्ने क्रममा गत मंगलवार उनी तालमा हामफाली बेपत्ता भएका थिए।
