कीर्तिपुर, ललितपुर: आजभन्दा करिब १२ वर्षअघि खुला दिशामुक्त क्षेत्र घोषणा गरिएको कीर्तिपुर नगरपालिकामा यतिबेला कुकुरको दिसाले ठूलो समस्या निम्त्याएको छ। सडक पेटी, पार्क, सार्वजनिक स्थलहरू लगायत जताततै कुकुरको दिसा देखिन थालेपछि स्थानीय बासिन्दाहरूले सरसफाइ र स्वास्थ्य जोखिमबारे चिन्ता व्यक्त गरेका छन्।
कीर्तिपुर नगरपालिकाले खुला दिशामुक्त क्षेत्रको घोषणा गरेपछि मानव दिसाको समस्यामा कमी आए पनि पछिल्लो समयमा घरपालुवा तथा छाडा कुकुरहरूको दिसाले वातावरण दुर्गन्धित बनाउनुका साथै हिँडडुलमा समेत असहजता पैदा गरेको छ। यसले विभिन्न रोगहरूको संक्रमणको जोखिम पनि बढाएको स्थानीयहरू बताउँछन्।
नगरपालिकाले यस समस्याको तत्काल दीर्घकालीन व्यवस्थापन योजना ल्याउनुपर्ने आवश्यकता देखिएको छ। यसमा कुकुरको उचित व्यवस्थापन, घरपालुवा कुकुरका मालिकहरूलाई जिम्मेवार बनाउने चेतना कार्यक्रम, सार्वजनिक स्थलमा कुकुरलाई दिसा गराउन निषेध गर्ने नियम र त्यसको कडाईका साथ पालना गराउने संयन्त्रको विकास जस्ता कदमहरू चाल्न सकिन्छ।
के नगरपालिकाले यस समस्यालाई सम्बोधन गर्न ठोस कदम चाल्ला त?
