बञ्चरेडाँडामा फोहर् फाल्ने बिषयमा आन्दोलन भैरहेको अवस्थामा तीन सत्तारूढ दलका स्थानीय नेताले समर्थन गरेपछि झन पेचिलो भएको छ । सत्तारूढ गठबन्धनले काठमाडौंका सडकमा थुप्रिएको फोहोर उठाउन सरकारको ध्यानाकर्षण गरेकै दिन सत्तारूढ तीन दलका स्थानीय नेताले भने बञ्चरेडाँडाको आन्दोलनमा साथ दिने घोषणा गरेका छन्।
नेपाली कांग्रेस, माओवादी केन्द्र र एकीकृत समाजवादीको धादिङ धुनिबेसी नगरपालिका- १ का अध्यक्षले पीडित जनताको आन्दोलनमा आफूहरूको साथ रहने भन्दै आइतबार संयुक्त विज्ञप्ति जारी गरेका हुन्।
विज्ञप्तिमा कांग्रेसका पूर्णसिंह तामाङ, माओवादी केन्द्रका विष्णु तामाङ र एकीकृत समाजवादीका भिषण धितालले हस्ताक्षर गरेका छन्।
