काठमाडौं, २०८२ साउन १४ गते: चन्द्रागिरि नगरपालिका वडा नं. १३ लाई बालश्रम मुक्त वडा घोषणा गर्ने तयारी गरिएको छ। यसै सन्दर्भमा वडा कार्यालयले बालश्रम उन्मूलनका लागि प्रतिबद्धता कार्यक्रम आयोजना गर्ने भएको छ।
वडा कार्यालयले प्रकाशित गरेको सूचनामा सम्पूर्ण घरधनी, व्यवसायी, होटल, कलकारखाना तथा उद्योग सञ्चालकहरूलाई बालश्रम नगर्न वा नगराउन अनुरोध गरिएको छ। यदि कसैले बालश्रम गराएको पाइएमा वा सोबारे जानकारी प्राप्त भएमा तुरुन्तै वडा कार्यालयमा खबर गर्न आह्वान गरिएको छ। बालश्रम गराएको पाइएमा कानून बमोजिम कारवाही हुने चेतावनी समेत दिइएको छ।
बालश्रम अन्त्यका लागि अभिमुखीकरण तथा प्रतिबद्धता कार्यक्रमको विवरण:
* मिति: २०८२ श्रावण २० गते, मंगलबार
* समय: दिनको २:०० बजे
* स्थान: चन्द्रागिरि नगरपालिका वडा नं. १३ वडा कार्यालय, पुरानो नैकाप
वडा अध्यक्ष श्रीकृष्ण ज्यूले चन्द्रागिरि नगरपालिका वडा नं. १३ अन्तर्गतका सम्पूर्ण होटल/कलकारखाना/उद्योग व्यवसायी तथा सरोकारवालाहरूलाई उक्त कार्यक्रममा उपस्थित हुन अनुरोध गर्नुभएको छ। यो पहलले वडालाई बालश्रम मुक्त बनाउन महत्वपूर्ण भूमिका खेल्ने अपेक्षा गरिएको छ।
