चन्द्रागिरि नगरपालिकामा सोमबारबाट ढक, तराजु दर्ता तथा नविकरण शिविर संचालन हुने

चन्द्रागिरि नगरपालिकाले चन्द्रागिरि नगर उद्योग वाणिज्य संघको सहयोगमा नगर क्षेत्रमा ढक तराजु दर्ता तथा नविकरण शिविर सञ्चालन गर्ने भएको छ ।



jibss

फाल्गुन ८ गते सोमबार चन्द्रागिरि नगरपालिका-१० सतुंगलबाट सुरू हुने सो शिविर क्रमश नगरका अन्य वडाहरूमा पनि सञ्चालन हुने चन्द्रागिरि नगरपालिकाका आर्थिक बिकाश शाखा प्रमुख राजु बहादुर खड्काले जानकारी दिनुभयो ।

ढक तराजु परीक्षाणका क्रममा व्यापारी, व्यवसायीहरूले नागरिकता प्रमाणपत्रको छायाँप्रति, उपलब्ध भएमा व्यवसाय दर्ता प्रमाणपत्रको छायाँप्रति समेत संलग्न गर्नुपर्नेछ । साथै, ढक तराजु खरिद गरेको ३५ दिन नकटेको अवस्थामा सो को बिल तथा कटेको अवस्थामा ढक तराजु अनिवार्य रूपमा शिविरमा लानुपर्ने बताइएको छ ।

यसपछि ढक तराजु दर्ता एवं नविकरण नगरी प्रयोगमा ल्याएको पाइएमा कानुनबमोजिम कारबाही हुने नगरपालिकाले जनाएको छ ।