चन्द्रागिरी नगरपालिका-२ पिपलामोड बाट भक्तपुरको चाँगुनारायण नगरपालिका–४ दुवाकोटस्थित नेपाल इञ्जिनीयरिङ कलेज अगाडिसम्म बुधबार देखि यातायात सेवा शुभारम्भ गरेको छ।
सार्वजनिक यातायातका साधनको सहज पहुँच नपुगेको यस क्षेत्रमा पिपलामोडबाट काठमाडौंहुँदै भक्तपुरसम्म ऋद्धिसिद्धि यातायातका ५ वटा सार्वजनिक बस सञ्चालनमा आएका हुन् ।
च.न.पा २ वडाध्यक्ष भाइकृष्ण तामाङले उद्घाटन गर्दै नियमित यात्रुबस सेवा नपाउँदा लामो समयदेखी हैरानी भोग्दै आएका चन्द्रागिरि नगरपालिका-२ पिपलामोडका स्थानीयहरूले भोग्दै आएको समस्या तत्कालका लागि हल हुने र अपुग भएमा बसको संख्यामा वृद्धि गरिने बताउनु भयो ।
