शनिबार चन्द्रागिरिमा एक युवक मृत फेला परेका छन् । चन्द्रागिरि नगरपालिका-१२ बलम्बुमा डेरा गरी बस्ने ५५ वर्षीय नवराज केसीको आफ्नै कोठामा शव भेटिएको थानकोट प्रहरीले जनाएको छ ।
चन्दागिरि नगरपालिका-१२ मा मृत फेला परेका केसी काठमाडौँको टोखा नगरपालिका-९ का स्थानीय रहेको प्रहरीको भनाइ छ ।
मृतक केसीको शव परीक्षणका लागि त्रिवि शिक्षण अस्पताल लगिएको प्रहरी वृत्त थानकोटका प्रहरी नायब उपरीक्षक नारायणप्रसाद अधिकारीले बताउनुभयो ।
घटनाका सम्बन्धमा थप अनुसन्धान जारी रहेको बताइएको छ । उनले बढी मदिरा खाने गरेको स्थानीयले बताएका छन्।
